BETANÍA – CHRIST GOSPEL CHURCH ICELAND
TRÚARJÁTNING BETANÍU
Við trúum því að Biblían sé innblásið Orð Guðs ”og nytsöm til fræðslu, til umvöndunar, til leiðréttingar, til menntunar í réttlæti, til þess að sá sem tilheyrir Guði sé albúinn og hæfur gjör til sérhvers góðs verks”. 2.Tím. 3:16.
Við trúum því að Almáttugur Guð sé þríeinn Guð: Faðirinn, Orðið – Sonurinn og Heilagur andi. Sjá t.d. 1. Jóh. 5:7, Jóh. 1:1-2, 14, Jes. 48:16-17, Jóh. 10:30 Jóh. 16:7, Jóh. 20:22.
Við trúum því að Jesús Kristur sé Guðs eingetni og syndlausi Sonur, fæddur af Maríu mey og að Hann hafi úthelt dýrmætu blóði sínu á krossi og dáið fyrir syndir okkur. Með því hafi hann leyst þá sem á hann trúa frá synd og dauða. Jóh. 3:16, 2. Kor 5:21, Róm. 5:21, Lúk. 1:27-35, Heb. 9:22, Matt. 26:28, Post. 2:22-36, Kól. 2:13-15.
Við trúum því að Guð faðir hafi fyrir kraft sinn reist Soninn, Jesú Krist, upp frá dauðum. Sonurinn situr nú við hægri hönd Guðs föður. Post. 10:38-40, Matt. 26:64.
Við trúum því að ef við játum með vörum okkar og trúum í hjarta okkar að Jesús sé Drottinn séum við hólpin og eigum eilíft líf með Honum. Róm.10:8-9, Post. 3:19-20.
Við trúum því að nauðsynlegt sé að skírast niðurdýfingaskírn í nafni Drottins Jesú Krists, eins og postularnir gerði til að hlýðnast skírnarskipun Drottins, í stað þess að endurtaka hana. Post.2:38, 8:12, 9:18, 18:5, Matt. 28:19-20, Jóh.17:6,11.
Við trúum því að allir þeir sem játast Jesú Kristi geti fyllst öðlast skírn í Heilögum anda og talað tungum í framhaldi af því. Post.2:38, Post. 2:4-11. 1. Kor.12.4-11.
Við trúum því að allir þurfi að metta andlegan mann sinn úr Orði Guðs (Biblíunni), biðja trúfastlega, leggja stund á góð verk og keppa eftir því sem er hið efra, til að geta þroskast andlega og vaxið upp til höfuðsins, sem er Kristur. Efes. 4:13-15, 1. Pét. 2:1-2, 1. Kor. 15:2, Matt. 7:7, Efes. 2:10, Kól. 3:1,3.
Við trúum því að öllum trúuðum sé nauðsynlegt að koma saman í Húsi Guðs til að eiga samfélag við Hann sem söfnuður í einingu og kærleika. Post. 2:44, Heb.10:25.