BETANÍA – CHRIST GOSPEL CHURCH ICELAND

Kenningar Betaníu grundvallast á því að við trúum að Biblían sé innblásið Orð Guðs, sbr. 2. Tím 3:16-17. Við í kirkjunni viðurkennum hefðbundnar grundvallarkenningar trúfélaga af þessum toga, um frelsun í blóði Lambsins, skírn í Heilögum anda og niðurdýfingarskírn í nafni Drottins Jesú Krists, líf í guðsótta og góðum siðum, um tíundir og fórnir, og svo framvegis. Við trúum því einnig að eingöngu hluti kristinna manna verði í Brúði Jesú Krists og þurfi hver og einn, í hvaða kirkju sem er, að vaxa upp til höfuðsins, sem er Kristur, til að ná því marki. Nánari upplýsingar um kenningar Betaníu má finna á heimasíðu móðurkirkjunnar, Christ Gospel Churches og einnig má niðurhala trúarjátningu CGC á ensku á enska hluta síðunnar.